Eth nòste projècte ei Aran. Aran ès tu
Eth sindic d’Aran en foncions e secretari generau d’Unitat d’Aran, Paco Boya, a assegurat aué que “UA afronte ua naua etapa en Conselh Generau d’Aran,
Eth sindic d’Aran e candidat ara reeleccion, Paco Boya; er alcaldable de Vielha-Mijaran, Juan Riu; e eth prumèr candidat d’UA per Castièro, Rufino Martínez; an barrat era campanha aguesta net en un acte qu’a agut lòc ena sala polivalenta de Vielha, a on s’i an amassat mès de 200 persones. Paco Boya a convidat as aranesi a compartir damb eth e era gent d’Unitat d’Aran “eth desir, era illusion e eth projècte entà hèr mès per Aran e es nòsti pòbles”, a compdar deth dia 22 de mai.
Eth sindic d’Aran e candidat ara reeleccion per Unitat d’Aran, Paco Boya, a convidat aué as ciutadans e es ciutadanes a compartir damb eth e eth sòn equip era illusion collectiva que s’a creat ath long d’aguesta campanha electorau. Boya a assegurat qu’eth pròplèu dimenge “es vesins e es vesies d’Aran auràn d’escuélher entre un candidat que vò tornar tath Conselh dempús d’auer governat pendent 12 ans o un candidat qu’entèste un projècte joen, nau, qu’a començat a caminar en tot premanir era Val d’Aran entà afrontar eth futur e bastir ua tèrra mielhor eth dia de deman”.
![](="/https://www.unitatdaran.org/web/wp-content/uploads/Boya_en_Arres1.jpg")
Es candidats d’Unitat d’Aran an visitat es pòbles d’Arres, Vilamòs, Les, Gausac e Betren, a on an explicat es propòstes de futur tath Conselh Generau, es ajuntaments e es pedanies. En Arres e Vilamòs, eth sindic Paco Boya a estat acompanhat deth candidat d’UA peth terçon de Lairissa, Marcel Castet. Ath delà, militants e simpatizants d’UA an participat en dinar d’ua paelha, qu’a agut lòc eth passat dimenge en Vilamòs.
Eth sindic d’Aran e candidat ara reeleccion, Paco Boya, a visitat es pòbles de Casau, Gausac, Tredòs, Bagergue e Bausen, a on a explicat es propòstes de futur entà Aran as vesins e vesies. En Casau e Gausac a estat acompanhat der alcaldable de Vielha-Mijaran, Juan Riu, e eth candidat de Castièro, Juan Antonio Serrano; mentre que tà Tredòs e Bagergue s’a desplaçat damb eth prumèr candidat per UA tà Naut Aran, Víctor Rodríguez, e eth candidat de Pujòlo, Francisco Bruna. En Bausen, a agut lòc un acte politic, a on a intervengut eth sindic e era candidata tar Ajuntament, Núria Puyol.
En darrèr debat entre es candidats deth Conselh, aufrit per Lleida Television, “Paco Boya a confirmat eth sòn compromís de futur entà Aran e a consolidat era sua plaça coma candidat mielhor preparat e eth que mielhor pòt representar era Val d’Aran”, segontes era avaloracion qu’a balhat aué eth secretari de Comunicacion d’UA e candidat numero 2 per Quate Lòcs, Amador Marqués.
Era secretària d’Accion Politica d’Unitat d’Aran e candidata numero 3 per Vielha-Mijaran, Maria Vergés, a avalorat eth debat de Lleida Televisió entre es prumèrs candidats entar Ajuntament. Vergés a assegurat que “Juan Riu a metut de relèu era sua solvéncia e eth sòn major coneishement des tèmes qu’afècten ath caplòc aranés”. Per contra, “eth candidat de CDA a mostrat ua vision irreau de Vielha-Mijaran, de véner hum, aluenhada des problèmes reaus dera gent”. “Ei ua frivolitat prométer 200 lòcs de trabalh sense díder coma les vò crear”, a declarat.
