Eth sindic d’Aran en foncions e secretari generau d’Unitat d’Aran, Paco Boya, a assegurat aué que “UA afronte ua naua etapa en Conselh Generau d’Aran, a on exercirà era oposicion damb eth madeish esperit constructiu e propositiu qu’a caracterizat eth prètzhèt d’UA en Govèrn deth Conselh pendent es darrèri 4 ans”.
Paco Boya, qu’a arregraït eth supòrt recebut enes darrères eleccions, a explicat que “UA deisharà eth govèrn damb ua economia sanejada, que compde lèu damb 6 milions d’èuros de romanent de tresoreria, e un projècte qu’a sabut méter es bases entà modernizar e melhorar Aran, en toti es encastres, des deth toristic enquiath sanitari”.
Dempús dera Comission Permanenta celebrada ager, Boya demore qu’eth nau govèrn de CDA seguisque damb es projèctes encetadi aguesta legislatura, e a afirmat que trobarà en UA era oposicion de besonh entà collaborar en aguest sens, “tostemp ath servici d’Aran e era sua gent”.