“Ara mos cau campar tà dauant, contunhar damb eth camin entà potenciar era economia e eth torisme e hèr mès pera atencion as persones, en tot priorizar sustot era sanitat publica”, segontes eth candidat a sindic.
Nau compromís per Bossòst
D’un aute costat, Paco Boya a acompanhat ar alcalde de Bossòst e candidat ara reeleccion, Paco Rodríguez Miranda, en mitin centrau d’UA en aguest pòble de Quate Lòcs. Paco R. Miranda a hèt un repàs exaustiu deth sòn trabalh a favor de Bossòst pendent aguesti 4 ans, e a exposat es principaus propòstes de futur entara pròplèu legislatura.
Eth candidat numero 2 per Quate Lòcs e tar Ajuntament de Bossòst, Amador Marqués, a explicat que “Paco R. Miranda a començat un projècte qu’ara volem portar tà dauant damb un equip renauit, damb illusion e ganes de trabalhar, sense cap aute interès qu’eth de Bossòst e es sòns vesins e vesies”. Segontes Marqués, “er alcalde ei era unica garantia entà hèr mès per Bossòst enes pròplèu ans, perque, abantes qu’arribèsse era crisi, eth a sabut obtier finançament entàs projèctes municipaus, a despièch dera dificila situacion economica damb era quau se trobèc er Ajuntament”.
Atau madeish, Boya e Marqués an acompanhat ar alcalde de Canejan e candidat per UA ara reeleccion, Carlos Lastera, en pòrta a pòrta qu’èren ager en aguest pòble de Quate Lòcs.
