Boya e Serrano apòsten per potenciar eth torisme pendent tot er an
Eth comèrç ei tanben ua prioritat entà Unitat d’Aran
Paco Boya confirme eth sòn compromís de futur entà Aran
En darrèr debat entre es candidats deth Conselh, aufrit per Lleida Television, “Paco Boya a confirmat eth sòn compromís de futur entà Aran e a consolidat era sua plaça coma candidat mielhor preparat e eth que mielhor pòt representar era Val d’Aran”, segontes era avaloracion qu’a balhat aué eth secretari de Comunicacion d’UA e candidat numero 2 per Quate Lòcs, Amador Marqués.
Juan Riu met de relèu eth sòn projècte realista e solvent entà Vielha-Mijaran
Era secretària d’Accion Politica d’Unitat d’Aran e candidata numero 3 per Vielha-Mijaran, Maria Vergés, a avalorat eth debat de Lleida Televisió entre es prumèrs candidats entar Ajuntament. Vergés a assegurat que “Juan Riu a metut de relèu era sua solvéncia e eth sòn major coneishement des tèmes qu’afècten ath caplòc aranés”. Per contra, “eth candidat de CDA a mostrat ua vision irreau de Vielha-Mijaran, de véner hum, aluenhada des problèmes reaus dera gent”. “Ei ua frivolitat prométer 200 lòcs de trabalh sense díder coma les vò crear”, a declarat.
Paco Rodríguez Miranda negociarà damb eth Bisbat d’Urgelh er aqueriment deth cine entà Bossòst
Dempús de complir damb es objectius previsti en aguesta legislatura (nau pònt, mielhora de carrèrs, supòrt ath comèrç, eca.), er alcalde de Bossòst e candidat ara reeleccion, Paco Rodríguez Miranda, se propòse negociar damb eth Bisbat d’Urgelh er aqueriment deth cine, proprietat dera diocèsi, entath gaudi deth pòble. Ath delà, er equip d’UA vò convertir eth Parc deth Portilhon, ja lèu finalizat, en un espaci de referéncia entàs activitats de montanha, que suposarà era creacion de lòcs de trabalh. Tanben desvoloparà, un còp signat eth convèni, er hilat de gas entà tota era populacion, damb un totau de 6 quilomètres e 800 mètres.
UA se solidarize damb Lorca e sospen aué es actes de campanha
Unitat d’Aran exprèsse era sua condolença e solidaritat de cap tàs victimes e damnatjadi pes darrèri tèrratrems produsidi ena localitat murciana de Lorca. Per aguest motiu, UA a decidit sospéner toti es actes de campanha deth dia d’aué coma mòstra de respècte e supòrt ath pòble de Lorca.
UA apòste per impulsar Lairissa damb eth torisme culturau e de montanha
Eth sindic d’Aran e candidat ara reeleccion, Paco Boya; e eth prumèr candidat per Es Bòrdes, Hipólito Socasau; an hèt eth pòrta a pòrta en Es Bòrdes, Arró, Benós e Begós (terçon de Lairissa). Boya a declarat qu’UA “apòste per impulsar Lairissa damb projèctes estrategics coma era recuperacion e projeccion deth Castèth Leon, òbra dejà començada de forma decidida en aguesta legislatura, e era metuda en valor e condicionament der airau dera Artiga de Lin e Uelhs deth Juèu, qu’ara aparie eth Conselh”. Atau se crearà un circuit de visita fòrça interessant entre eth parçan dera Artiga e eth pòble d’Es Bòrdes, a on se trape eth Castèth.
Programes electoraus tàs eleccions municipaus e tath Conselh Generau deth 22 de mai de 2011
Programes electoraus tàs eleccions municipaus e tath Conselh Generau deth 22 de mai de 2011.
Juan Riu, er alcalde dera proximitat
Unitat d’Aran a establit era proximitat coma un des sòns èishi programatics mès importants entà Aran e Vielha-Mijaran. De hèt, era proximitat ei un des valors que mielhor definissen a Juan Riu, prumèr candidat d’UA en caplòc aranés. En aguest sens, er alcaldable, qu’a visitat es pòbles d’Aubèrt e Arròs, a declarat que “Vielha-Mijaran a […]
Paco Boya s’impause en debat de TV3
Eth secretari de Comunicacion d’Unitat d’Aran e candidat numero 2 per Quate Lòcs, Amador Marqués, a avalorat aué eth debat d’ager en TV3 deth Conselh Generau tàs eleccions deth 22 de mai. Marqués a assegurat que “Paco Boya s’a impausat de forma clara en debat coma eth candidat mielhor preparat, damb major coneishement des ahèrs […]
UA comece eth pòrta a pòrta en Mont, Montcorbau, Betlan, Arròs e Aubèrt
