UA presente ua mocion de refús ara taxa toristica atau com ei plantejada peth govèrn de CiU
Es grops d’Unitat d’Aran en Conselh Generau e es Ajuntaments d’Aran an començat a presentar ua mocion de refús ara taxa toristica atau com ei plantejada peth govèrn de CiU enes pressupòsti dera Generalitat. Eth secretari generau d’UA, Francés Boya, a manifestat que “era implantacion d’aguest impòst, d’acòrd damb es paramètres imposadi per CiU, ei injusta perque eth sector toristic viu uns moments complicadi e perque mos hèr a pèrder competitivitat dauant destinacions que non cruben aguesta taxa, com Aragon e Andòrra”.