Unitat d’Aran propòse as sòns candidats entàs eleccions autonomiques
Era Comission Executiva d’Unitat d’Aran (UA) a proposat ara cap de Cultura e Politica Lingüistica deth Conselh Generau d’Aran e secretària d’Accion Politica deth partit, Maria Vergés, e ath cap de Gabinet e Comunicacion deth Govèrn aranés e secretari de Comunicacion e Relacions Extèrnes d’UA, Amador Marqués, coma es sòns representants entà incorporar ena candidatura deth PSC en Lleida entàs eleccions autonomiques, entestada peth conselhèr d’Agricultura, Alimentacion e Accion Rurau, Joaquim Llena, “amic d’Aran e militant d’UA”, segontes a rebrembat eth sindic d’Aran e secretari generau d’UA, Francés Boya. Unitat d’Aran a escuelhut a dues persones joenes, formades e, ath còp, damb experiéncia ena gestion politica.