Era candidatura des Pirenèus tás JJOO de 2030 presente ua oportunitat pr’amor der impuls qu’aguesta hita generarie tanben ena Val d’Aran, autant ena melhora des infraestructures existentes (ja siguen esportives, viàries o de comunicacion digitau) coma ena projeccion internacionau dera Val d’Aran.
Atau madeish, aguesta candidatura supausarà tanben un impuls deth projècte esportiu aranés atau coma tanben hèr dera Val d’Aran un referent per çò que hè as espòrts d’iuèrn a nivèu mondiau.
Aguesta candidatura a d’esdevier eth motor entara consolidacion d’un modèl de desvolopament sostenible e respectuós damb era tèrra e era gent que i viu. Ua tèrra qu’auem eretat des nòsti auantpassats e que volem seguir suenhant e defenent, tara que volem un futur sostenible e equitatiu, damb ua economia diversificada e servicis publics de qualitat ath nivèu qu’era nòsta ciutadania merite.
Ei pr’amor d’açò que, d’Unitat d’Aran ençà, manifestam eth nòste supòrt ara candidatura olimpica deth Pirenèu tàs pròplèu JJOO d’iuèrn de 2030.