Defen ua educacion publica, universau, de qualitat e en aranés
Unitat d’Aran da supòrt ara protèsta dera comunitat educativa contra es retalhades practicades peth Govèrn de CiU ena Generalitat qu’afècten ara era escòla publica e tanben contra eth modèl que sage d’implantar eth PP per miei dera LOMCE, ja qu’ei regressiu, recentralizador e atempte contra era igualtat basica de totes es famílies entara educacion e formacion des sòns hilhs e hilhes, especiaument des mès fèbles e vulnerables des deth punt d’enguarda sòcioeconomic.
Pr’amor d’açò, UA defen aué mès que jamès eth besonh qu’era societat se dòte d’ua educacion publica fòrta, universau (de toti/es entà toti/es), inclusiva, damb immersion lingüistica en aranés, en Aran, e clarament de qualitat, ja qu’es païsi auançadi non pòden renonciar, de cap manèra, ara formacion integrau de toti es sòns ciutadans.