Unitat d’Aran encète un procès de participacion ciutadana entà debàter e plantejar propòstes de futur que poguen contribusir ath progrès dera Val d’Aran. A compdar deth manifèst Compromís per Aran, publicat en 2012, UA vò promòir ua reflexion collectiva ar entorn deth modèl de país qu’a de besonh Aran enes pròplèu ans.
Damb aquerò, eth partit prebotge eth debat mès enlà des sues sensibilitats politiques e sage de recuélher es idèes e propòstes des ciutadans de forma dubèrta e transversau jos es principis deth progrès equitatiu e era mielhora dera qualitat democratica des institucions araneses.
Entà començar, toti es ciutadans interessadi son convocadi a ua convencion dubèrta entà tractar eth manifèst Compromís per Aran e aprovar es sues esmendes en ua jornada de trabalh qu’aurà lòc eth pròplèu deluns, 29 d’abriu, entàs 19.30h, ena sedença deth partit (dauant deth Palai de Gèu, en Vielha).