Raimon Obiols, deputat en Parlament Europèu e responsable dera Conferéncia
Dubèrta – Catalunya Causa Comuna, serà er encargat de daurir era session
participativa sus quin ei eth futur entà Aran, qu’aurà lòc eth pròplèu dissabte
damb representants des diuèrsi encastres dera societat aranesa (educacion,
economia, torisme, miei ambient, lengua e cultura).
Er acte nomentat Quin futur entà Aran? Reflexions e prepauses dera
societat aranesa ei organizat en marc dera Conferéncia Dubèrta – Catalunya
Causa Comuna, un projècte qu’a coma objectiu remassar opinions e reflexions
de tota era societat en generau entà establir un debat sus era Catalunya deth
present e eth futur. Tanben i intervierà eth sindic d’Aran, Francés Boya.
Er acte ei dubèrt a toti es interessadi e aurà lòc eth pròplèu dia 3 d’octobre
entàs 11.00 ores en Otèl Acevi de Vielha (Avenguda Alcalde Calbetó Barra,
20).