Presentacion deth programa de govèrn e des candidats d’Unitat d’Aran entàs eleccions tath Conselh Generau d’Aran

Eth candidat tà Síndic, Paco Boya, presentarà aguest dissabte en Betren ar equip de candidats de terçon qu’a de fiscalizar eth programa de govèrn, que tanben se harà public en madeish acte, entàs pròplèus quate ans.

D’acòrd amb era sua volentat d’afrontar es naui rèptes dera societat aranesa, Unitat d’Aran a volut renauir es sues candidatures que formen un equip solvent, damb experiéncia mès tanben damb gent joena qu’apòrte creativitat e passion per una naua manèra d’exercir era politica. Un equip damb lideratge sociau, damb importants responsabilitats en àmbit dera societat civil e damb er unic objectiu de servir ath conjunt dera ciutadania des der interès generau.

Paco Boya a declarat qu’ “aguest ei er equip deth cambi tranquil, que profitarà e dinamizarà tot eth potenciau uman e institucionau entà amiar ath país a quòtes mès nautes de benèster, des deth lideratge de país e des dera recerca deth consens e era volentat d’includir”