Eth dejà proclamat candidat tà Síndic d’Aran, Paco Boya, a presentat eth programa de govèrn e es candidatures tath Conselh Generau d’Aran damb es que vò encetar “eth cambi tranquil que permete tornar a illusionar ara gent damb eth sòn govèrn a partir d’un projècte ambiciós hèt entà toti”.
Paco Boya a proclamat qu’Unitat d’Aran vò aufrir era renovacion qu’eth país a de besonh despús de mès d’ua decada de govèrn deth madeish partit. “Era nòsta ei ua prepausa de renovacion e de cambi basada en un govèrn mès propèr e damb mès capacitat de respòsta as problèmes dera gent”, a explicat Boya.
Eth candidat tà Síndic a soslinhat qu’es candidatures “son representatives dera nòsta societat, perqué s’i trapen persones de diuèrsi encastres deth nòste país e persones independents que pòden aportar visions professionaus des sectors que representen”. “Cau afrontar es naui rèptes de país damb naui equips de persones, damb idiies naues, illusion e volentat de trabalh”, a assegurat Boya.
Es prepauses de composicion d’un futur govèrn sòlen èster difoses, totun, en aguestes pròplèu eleccions, “es ciutadans d’Aran quan vòten era candidatura d’Unitat d’Aran saberàn, ja per auança, qui serà eth responsable de cadun des departaments deth Conselh e, per tant, quina persona serà era sua interlocutora en cadun d’aguesti airaus”, atau coma a anonciat el lidèr d’UA.
Paco Boya a remercat qu’es candidatures formen “un equip solvent e renauit, damb un projècte transversau e damb un clar lideratge sociau”, e a rebrembat qu’aguest qu’er equip deth cambi tranquil “profitarà e dinamizarà tot eth potenciau uman e institucionau entà amiar a Aran a quòtes mès nautes de benèster, des deth lideratge de país e des dera recerca deth consens “.
Segontes Boya, eth programa qu’a presentat UA ei “plan complèrt, fondamentaument ei un programa de govèrn, eth mès ambiciós entà Aran”, perqué priorize per prumèr còp era eficàcia ena prestacion de servicis entà èster lidèrs enes politiques publicues, era participacion ordenada des ciutadans enes institucions e era consolidacion deth nòste autogovèrn”.
Relacion de candidatures e airau de govèrn
PUJÒLO
1. Paco Bruna (Miei Ambient e Pagesia)
President dera Associacion de Criadors de Shivaus Ispanobretons.
Empresari otelèr.
Membre dera Junta directiva dera Escòla d’esquí de Baquèria Beret.
2. José Manuel Fernández (Joenessa e Espòrts)
Expresident dera Societat de Caça e Pesca de Naut Aran.
Empresari.
Còsso en Ajuntament de Naut Aran.
ARTIES E GARÒS
1. Emilio Sanllehy (Infraestructures, Contròtle dera Òbra Publica e Coordinacion entre Departaments)
Empresari restaurador.
Expresident deth Grèmi d’Ostalaria dera Val d’Aran.
CASTIÈRO
Rufino Martínez (Finances)
Secretari dera Administracion Locau.
Conselhèr deth Conselh Generau d’Aran.
Còsso der Ajuntament de Vielha.
Deputat provinciau pendent quate ans.
Juan Antonio Serrano (Torisme e Transpòrt)
Empresari.
Tecnic en emprèses e activitats toristiques.
Expresident deth Grèmi d’Ostalaria dera Val d’Aran.
President dera Federació d’Hosteleria de Lleida.
Maria Vergés (Cultura e Ensenhament)
Engenhaire Tecnic Forestau.
Postgrau en Organizacion e gestion culturau.
Revirades ar aranés de Solitut e en informatiu de Catalunya Ràdio.
Nieves Cabau (Cooperacion)
Comerçanta.
Membra fondadora dera Escòla Musicau.
Membra dera Junta dera Escòla Musicau.
MARCATOSA
Noelia Costa (Sanitat)
Licenciada en Farmàcia.
Doctora en Biotecnologia.
Publicacions en revistes scintefiques.
LAIRISSA
Marcel Castet (Municipis petits)
Jubilat
Còsso der Ajuntament de Vilamòs.
QUATE LÒCS
Paco Boya (Sindicatura)
Deputat en Parlament de Catalonha.
Pòrtavotz deth PSC-CpC dera Comission dera UE en Parlament.
Pòrtavotz deth grop UA-PSC en Conselh Generau d’Aran.
Hipólito Cruces (Comèrç)
Comerçant.
Còsso der Ajuntament de Bossòst.
Conselhèr deth Conselh Generau d’Aran.
José Ma Castellà (Naues Tecnologies)
Operador Tecnic de Telecomunicacions.
Editor de planes wèb.
Tecnic de TVE Sant Cugat.
Sotsdirector de Era Lucana.
Resum deth programa de govèrn
Finances
Racionalizacion dera despena.
Disminucion de cargues de confidança.
Transparéncia ena gestion
Comèrç
Accions qu’afavorisquen eth comèrç coma mèrca toristica.
Estudis de mercat entà conéisher naues demanes.
Hèr dera Agéncia deth Comèrç d’Aran un ens dinamic e actualizat.
Impuls des productes ecologics e de qualitat autòctons.
Sanitat
Recuperar era confidança deth ciutadan e arténher mès qualitat.
Mès collaboracion damb deth Departament de Salut.
Impuls de convèni SCS-SAS tàs professionaus.
Garantir era eficàcia d’urgéncies.
Melhorar era assiténcia primària e es equipaments enes pòbles.
Servicis Sociaus
Melhorar e aumentar es servicis pròpris.
Entara gen grana cau descentralizar centres de dia, garantir desplaçaments e programes de prevencion e seguiment.
Entara immigracion cau crear eth Departament de Ciutadania.
Municipis Petits
Garantir era relacion des municipis damb eth Conselh.
Dialogar e cooperar entre eth Conselh e eth Terçon.
Torisme
Afavorir era descentralizacion entà mantíer eth sector.
Aufrir naui productes.
Potenciar era creativitat e promocion (ús de naues tecnologies e modèls de publicitat actuaus).
Cultura
Potenciar modèl pròpri, integrador e de qualitat.
Impuls des sales sociaus des pòbles coma “punts culturaus”.
Prebotjar era creacion culturau (nivèu lingüistic e artistic).
Ensenhament
Prestigiar e fidelizar as professionaus.
Ajudes as familhes (libres de tèxte, estudis superiors e besonhs educatius especiaus).
Miei Ambient
Impulsar politiques ambientaus de conservacion der entorn.
Garantir era eficàcia e era sostenibilitat deth sistèma de recuelhuda de lordères.
Elaborar un Plan estrategic entara gestion transversau deth paisatge.
Crear Comission CGA-Societats cinegetiques.
Pagesia
Prebotjar e afavorir eth trebalh des pagesi e ramadèrs.
Assegurar er estat d’infraestructures entàs ramadèrs.
Collaborar damb eth sector ena reintroduccion der ós.
Facillitar tramits enes servicis administratius.
Naues Tecnologies
Afavorir es Naues Tecnologies ena relacion damb eth CGA e accès generau.
Afavorir tràmits damb eth CGA a trauèrs d’internèt.
Facilitar accès a internèt: tecnologia wireless.
Revirar sofware ar aranés.
Joenessa
Fomentar activitats entara formacion dehòra der airau educatiu.
Impulsar un hilat d’educadors sociaus e activitats enes sales des pòbles.
Facilitar accès a estudis superiors, viuenda e trabalh.
Espòrts
Prebotjar politiques esportives coma ben sociau e educatiu.
Impulsar eth Patronat der Espòrt Aranés coma ens coordinador.
Collaborar damb es Ajuntaments entà crear espacis.
Cooperacion
Amparar iniciatives privades d’ONG.
Collaborar damb entitats de cooperacion.
Campanhes de sensibilizacion e conscienciacion.
Proteccion civila
Impulsar ua organizacion des pompièrs mens jerarquizada e politizada.
Despolitizar damb mecanismes tecnics.
Nomenament des caps de Parc en procès electorau.
Incentivar eth volentariat.
Bastir un Parc de Pompièrs en Naut Aran.
Institucions
Renauir eth CGA tà garantir dialòg e transparéncia.
Reformar eth reglament entà crear Conselh des ciutadans.
Naua Lei d’Aran.
Crear es Conselhs de Terçon.