Eth nòste projècte ei Aran. Aran ès tu

Paco Boya a demostrat qu’ei eth melhor Síndic que podem auer

Paco Boya ei eth melhor Síndic que podem auer pr’amor qu’en debat televisiu enter es candidats ath Conselh Generau a demostrat èster eth mès institucionau, equanim e damb mès capacitat entà exercir eth lideratge de país qu’a de besonh Aran.

Eth candidat per Unitat d’Aran a agut ua actitud mès propositiua e positiua, complementada per ua critica melhor argumentada e justificada e per ua clara volentat de centrar-se en debat des idèes e des projèctes.

Paco Boya a demostrat qu’a ua vision clara deth país, qui melhor lo pòt deféner e qui, coma governant, pòt aportar melhors solucions as problèmes concrèts dera gent, en àmbits coma era sanitat, es servicis sociaus, era cultura, eth torisme, eth transpòrt public, eca.

Eth debat a agut un clar perdedor, eth candidat de CDA, Carlos Barrera, que, damb ua actitud nerviosa e ath temps capinauta, a estat incapable de plantejar cap propòsta de futur. Barrera, a qui l’an arribat a trèir es colors, semblaue mès eth lidèr dera oposicion.