Entà Marqués, aguesti objectius sonque les poderam arténher dera man de persones que coneishen era realitat dera Val d’Aran. “Aguestes persones existissen e formen part der equip entestat peth President Montilla e eth conselhèr Joaquim Llena, pr’amor qu’eth PSC ei er unic partit qu’a incorporat enes sues listes a 2 aranesi e 4 militants d’UA”, segontes a precisat.
Eth candidat d’UA a declarat que “eth President Montilla ei eth candidat que compren mielhor es aspiracions araneses, perque a estat eth prumèr president qu’a acompanhat as aranesi ena sua Hèsta Nacionau e a promoigut per prumèr còp era lei que desplegue era oficialitat der aranés”.