Eth secretari generau d’Unitat d’Aran, Francés Boya, a afirmat que “Catalonha a de tier en compde era realitat diferenta dera Val d’Aran”. En declaracions a Catalonha Informacion, Boya a regretat que “eth Govèrn catalan seguís deuent, aumens, 3,8 milions d’èuros ara Val”. Eth conselhèr a defenut era mocion d’UA a favor deth “dret a decidir deth pòble aranés”, en tot auer present que “Aran a basat era sua istòria en pacte” damb Catalonha e Espanha.
“Convergéncia ditz que non ei eth moment, mès nosati consideram qu’ara ei justament eth mielhor moment entà qu’eth pòble aranés pogue plantejar eth sòn dret collectiu entà auançar per un nau estatus singular e projectar er autogovèrn a favor d’un mielhor servici as ciutadans”, segontes Francés Boya.