“Contra era demagògia, aportaram arguments. A cada mentida, responeram damb era vertat des hèts”, a afirmat. Boya a declarat que “sonque eth nòste projècte ei en condicions de portar ath país entàs majors quòtes d’autogovèrn e benèster, perque èm eth partit que mielhor represente es interèssi des aranesi”.
“Nosati auem projècte de país e aguest projècte ei aué era unica opcion de futur entà Aran, ja qu’es aranesi non vòlen tornar entà darrèr”, segontes eth sindic. Entà Boya, “aguest programa a començat a desvolopar-se ena legislatura actuau e ei dubèrt a conquistar eth futur collectiu enes pròplèu quate ans”.
Francés Boya a assegurat que pendent eth sòn mandat “s’a desterrat eth sectarisme” dera vida publica, e a destacat era capacitat deth sòn Govèrn entà “cercar eth consens, èster responsable e bon gestor”.
