Abantes deth
pròplèu mes de junh i aurà un
transformador mès de 15000 kw e
parallèlament se bastirà ua naua
sosestacion en Vaquèira entà atier era
demana de futur dera Val de Ruda.
Era companhia electrica finançarà era
totalitat dera inversion prevista entà
bastir era ampliacion dera sosestacion
de Vielha. Totun era sosestacion de
Vaquèira serà finançada per Ajuntament
de Naut Aran, era promotora
immobiliària Neu 1500 e era estacion
d’esquí de Baquèira Beret.
Queisha deth Naut Aran ath Ministre
Eth Sindic d’Aran, Carlos Barrera, a
manifestat eth sòn supòrt e eth deth
Conselh Generau ath baile deth Naut
Aran, Víctor Leon, entad açò qu’ei ara
reïvindicacion hèta ath ministre de
Sciéncia e Tecnologia, Juan Costa, sus
eth despartiment dera inversion entà
Eth Sindic Barrera didec qu’es inversions
ja sigueren pactades damb era
companhia dempús des hòrtes nheuades
deth mes de gèr d’est’an passat.
Damb eth bastiment d’aguestes naues
sosestacions, era Val d’Aran non aurà de
depéner d’ua soleta linha entà mantier
eth corrent electric de tot eth parçan en
tot auer en compde qu’eth Baish Aran
podec recuperar eth provediment
electric de forma rapida gràcies ara
generacion electrica dera central
plaçada en Bossòst.
Compromís en Parlament
Eth director generau de FECSA ENDESA,
Josep Maria Rovira, se comprometec eth
darrèr mes de seteme deth 2002 a
invertir 3000 milions d’èuros en
Catalonha enquiar an 2010. Era volentat
ei melhorar era qualitat deth servici
electric e curbir er increment dera
demana.
Plen extraordinari
Es grops politics ara oposicion en
Conselh Generau d’Aran vòlen reclamar
ara maxima institucion aranesa ua
revision des plans d’emergéncies entà
hèr-les avients as besonhs actuaus, en
tot auer en compde eth creishement qu’a
auut era Val enes darrèrs ans.
Atau donques, eth PSC-UA e eth sòn sòci
ena oposicion, eth PRAG, tanben
solliciten qu’era convocatòria de plen
servisque entà hèr ua avaloracion der
impacte qu’a auut eth sector
empresariau e toristic pr’amor dera pana
que deishèc era Val pendent mès de sèt
ores a escures.