Era EMD de Bagergue place un nau airau de recreacion infantil

Era Entitat Municipau Descentralizada de Bagergue (Pujòlo) a començat, aguesta setmana, es trabalhs entà plaçar un nau airau de recreacion infantil, que se tròbe ath darrèr dera sala sociau deth pòble. “Aguesta actuacion prebotjada pera EMD compde damb ua subvencion dera Deputacion de Lleida”, segontes a explicat er alcalde – president José Tarrau. D’aguesta forma, Bagergue gaudirà d’un petit parc de léser infantil, eth perimètre deth quau compde damb un barratge de husta e, en solèr, materiau especiau entara seguretat e entà esvitar maus ara mainadèra.