D’aguesta forma, Maria Vergés assomís era secretaria d’Organizacion e s’incorpòren dus joeni aranesi: Andreu Cortés, de Les, coma secretari de Trabalh e Joenessa; e Marc Tarrau, de Naut Aran, coma secretari d’Accion Politica. UA manten era rèsta de secretaries, dejà existentes d’ençà deth Congrès der an 2008.
Paco Boya a explicat que “Unitat d’Aran da un pas entà dauant dera man des joeni e se daurís mès ara societat entà devier eth referent dera gent d’aguest país que vò qu’Aran age lideratge territoriau, ambicion nacionau e equitat sociau, objectius qu’eth govèrn conservador de CDA en Conselh Generau a deishat de costat”.
Boya, prumèr candidat deth PSC per Lleida entath Senat, a assegurat que s’ei escuelhut senador defenerà es interèssi dera Val d’Aran e eth conjunt dera província de Lleida “damb passion, illusion e fòrça entà amiar entà dauant un projècte que garantisque es drets sociaus e eth progrès economic de toti es sòns ciutadans”.
