Deluns comence era 1a Setmana deth Còr

Pr’amor d’açò, er Equip d’Atencion Primària d’Aran a decidit d’organizar era 1a Setmana deth Còr ena Val d’Aran damb er objectiu d’informar ara poblacion aranesa e generar ua cultura de prevencion des principaus factors de risc cardiovasculars en tot promòir: ua alimentacion cardiosaludabla, era practica der exercici fisic, er abandon deth tabac, eth contròtle deth pes, dera pression e des chifres de colesteròu e sucre, entre d’autes. Ua carpa nomentada eth cardio-lòc serà plaçada dauant der Espitau Val d’Aran en Vielha pendent tota era setmana entà recéber informacion e avaloracion individualizada sus es malauties cardiovasculares e es factors de risc associadi, atengudi per professionaus der equip d’atencion primària. Entre toti es participants des dispariones activitats se sortejaràn dinars o sopars enes restaurants collaboradors e sessions d’idroteràpia-spa.