Volem pensar qu’aguest desbrembe grèu en perjudici deth pluralisme non a
estat pas deliberat e celebram qu’eth Govèrn d’Aran age decidit organizar
fin finau ua reflexion sus es rèptes dera immigracion en Aran, maugrat era
proximitat dera convocatòria electorau que pòt desnaturalizar era analisi
equanima e solventa que requerís un tèma d’aguestes caracteristiques. Per
aquerò l’emplaçam a qu’en aguest ahèr d’interès generau se compde damb era
rèsta de grops representadi en Plen. En nòste cas, hè quauque temps que com
partit politic auem encetat ua reflexion plan seriosa en aguest sentit damb
membres dera societat civil, ues reflexions qu’èm dispausadi a compartir.
Coraument,
Francés Boya Alòs
Pòrtaveu deth grop UA en Conselh Generau d’Aran