Unitat d’Aran vò auançar en reconeishement dera singularitat aranesa e ena modificacion dera Lei de Regim Especiau, entà adaptar-la as besonhs reaus deth territòri, qüestion qu’actuauments eth Govèrn d’Aran tracte damb eth govèrn de Catalunya, atau coma vò hèr damb es representants politics des grops parlamentaris catalans e damb es grops deth Congrès des Deputats enta arténher tanben eth reconeishement dera singularitat d’Aran per part der Estat.
Ei urgent qu’era maxima institucion aranesa, que gestione competéncies autonomiques coma era salut, e tanben de tipe locau, age un reconeishement explicit e singular, non sonque peth risc de collapse dera institucion e, per tant, d’impedir eth desvolopament d’accions que melhoren era vida dera ciutadania, senon pr’amor qu’açò contraditz, en efècte, eth concèpte d’autogovèrn e eth sòn exercici. Ei a díder, contraditz eth mandat deth pròpri Estatut d’Autonomia de Catalunya e dera Lei d’Aran.