Aran ei eth territòri de Catalonha damb major exposicion en Risque de Lauegi. Mès deth 75 % dera superfícia ei potenciaument afectada per lauegi. Es zònes mès expausades son es parts nautes des montanhes, mès tanben quauques infrastructures e poblacions.
De hèt, Aran compde damb ua tradicion en estudi e prediccion de lauegi d’ençà hè 20 ans. Des de 2004, comencèc a hèr Prediccion Locau enes carretères dera Bonaigua e Beret e s’incorporèc un nau tecnic entara prediccion. Des de 2006, comencèc a hèr Prediccion entà Itineraris de Montanha. Des de 2007, compde damb ua renauida plana web en qué s’actualizen cada setmana es diuèrses prediccions damb mapes sensibles de facil lectura.