Era inversion en Aran se multiplique gràcies ath compromís dera Generalitat de Catalunya damb eth nòste territòri. A trauès deth Plan Unic d’Òbres e Servicis (PUOSC), es municipis aranesi arreceberàn 9.009.560€ en periòde 2025-2029, çò que supause un increment de 116% respecte as 4.163.687€ destinadi en cicle anterior (2020-2024).
Aguest renfortiment economic melhorarà es pressupòsti municipaus e impulsarà projèctes claus entath desvolopament d’Aran, en tot perméter amiar a tèrme melhores en infrastructures e servicis aumentant era qualitat de vida des nòsti ciutadans.
Ua inversion qu’arribe a tot eth territòri
Es hons se distribuiràn entre es desparièrs municipis e entitats municipaus descentralizades (EMD), en tot assegurar que toti es pòbles d’Aran se beneficien d’aguest aument de recorsi:
- Arres – 427.940 €
- Bausen – 428.861 €
- Es Bòrdes – 434.824 €
- EMD Arró – 375.000€
- Bossòst – 431.765 €
- Canejan – 487.200 €
- Les – 428.193 €
- Naut Aran – 511.936 €
- EMD Arties e Garòs – 375.000€
- EMD Bagergue – 375.000€
- EMD Gessa – 375.000€
- EMD Tredòs – 375.000€
- EMD Unha – 375.000€
- Vielha e Mijaran – 568.134 €
- Arròs e Vila – 375.000€
- EMD Aubèrt, Betlan, Mont e Montcorbau – 375.000€
- EMD Betren – 375.000€
- EMD Casau – 375.000€
- EMD Escunhau e Casarilh – 375.000€
- EMD Gausac – 375.000€
- EMD Vilac – 375.000€
- Vilamòs e Era Bordeta – 415.707 €
Un impuls entath futur d’Aran
Aguest aument deth finançament represente ua grana oportunitat entà refortilhar es servicis publics, modernizar infrastructures e dinamizar era economia locau. Gràcies ad aguesti hons, es municipis poderàn invertir en airaus claus coma:
- Melhores en equipaments e infrastructures essenciaus entara ciutadania.
- Renfòrç des servicis municipaus entà garantir ua màger qualitat de vida.
- Inversions en sostenibilitat e modernizacion, en tot assegurar eth desvolopament equilibrat deth territòri.
Eth creishement e eth benèster d’Aran depenen d’un finançament just e avient ara sua realitat. Damb aguest increment de recorsi, hèm un pas mès de cap a un futur damb mès oportunitats, melhors servicis e un màger reconeishement dera nòsta singularitat coma territòri.
Contunham trabalhant entà qu’Aran age es recorsi que merite.