“Era lengua s’a de deféner damb hèts concrèts e, en aguest punt, an d’actuar damb determinacion eth Conselh, era Generalitat e tanben er Estat, mès enlà de çò qu’acabe resolvent eth Tribunau Constitucionau”, segontes eth secretari generau d’UA.
Entà Boya, “ara cau eth compromís des govèrns entà consolidar er aranés, dejà reconeishut per Estatut, ena Administracion, ena escòla e, sustot, enes mieis de comunicacion, a on encara compde damb pòga preséncia publica”.