* Coneishuda era senténcia fèrma deth Jutjat Penau n°3 de Lleida, que condemne er alcalde de Naut Aran, per un delicte d’abús sexuau, Unitat d’Aran considère incompatible era sua continuïtat coma cargue public, e inste a Convergéncia Aranesa a cessar ar alcalde de Naut Aran de toti es sòns cargues organics, entre eri era presidéncia deth sòn partit.

* ⁠Unitat d’Aran manten eth sòn fèrm compromís damb era luta contra era violéncia de genre e era luta pera igualtat.

Es hèts jutjadi e reconeishudi peth madeish condemnat son d’ua gravedat extrèma e contradissen es valors de respècte, d’igualtat e d’exemplaritat qu’an de guidar quinsevolh cargue public. Ei pr’amor d’açò que d’Unitat d’Aran estant, se reclame era dimision immediata des sòns cargues publics entà preservar era dignitat institucionau e respècte as institucions araneses e ara pròpria ciutadania.

D’Unitat d’Aran ençà, reiteram eth nòste supòrt ara victima e eth nòste compromís damb es valors deth respècte e era igualtat atau coma eth nòste compromís ena luta contra era violéncia de genre en quinsevolh des sues formes.

Es administracions publiques atau com er exercici dera politica, especiauments era politica de proximitat, an d’èster exemplares e comprometudes damb era igualtat entre hemnes e òmes.

Es representants publics an era obligacion d’actuar damb integritat e d’èster referents etics entara ciutadania.

Val d’Aran, 4 de noveme de 2025