Unitat d’Aran felicite a Mn. Jusèp Amiell pera concession dera Creu Sant Jòrdi
Eth senador aranés e secretari generau d’Unitat d’Aran, Francés Boya, a hèt extensiva aué, en nòm de tot eth partit, era felicitacion e eth reconeishement public a Mn. Jusèp Amiell per autrejament dera Creu Sant Jòrdi, “ua iniciativa qu’a compdat damb eth supòrt de totes es fòrces politiques e es ajuntaments d’Aran a favor d’un òme comprometut damb era lengua, era cultura e eth país e que destaque tanben pera sua dedicacion apostolica e ministeriau, restacada tostemp damb era Val d’Aran”.