Es grops deth Conselh Generau s’amassen damb eth Govèrn entà abordar es pressupòsti

Eth sindic Francés Boya, qu’a reconeishut “es condicionants qu’impòse era incertesa economica tanben ena administracion publica”, s’a felicitat pera prumèra amassada de participacion entàs pressupòsti “pr’amor qu’es grops an pogut hèr es sues aportacions e consideracions” e a profitat entà anonciar qu’es pressupòsti “reflectiràn era pujada extraordinària de partides coma torisme e politica territoriau” pr’amor des plans de desestacionalizacion e de melhora d’accèssi, respectivament. Eth Govèrn vò tanben qu’es compdes de 2008 “responen a critèris d’equilibri entre es airaus de gestion que representen era diversitat des sectors dera societat aranesa”.