Es membres dera comission an podut debàter sus es naues oportunitats que daurís era naua Lei der aranés, en tramitacion parlamentària, entà garantir eth desplegament dera normalizacion dera lengua pròpria d’Aran enes encastres dera administracion, era educacion e es mieis de comunicacion.
Era comission a soslinhat que “era Lei der aranés pòt significar un pas tà dauant fòrça transcendentau respècte deth futur dera lengua, gràcies ara iniciativa deth Govèrn dera Generalitat”, atau coma a explicat era cap de Cultura e Politica Lingüistica deth Conselh e presidenta dera comission, Maria Vergés.