Pendent eth plen der Ajuntament de Naut Aran celebrat aguest maitin, er alcalde d’aguest municipi a retirat eth dret ara paraula deth pòrtavotz d’Unitat d’Aran, Marc Tarrau, a qui non a deishat expressar era sua opinion ena session plenària ena qué se debatie sus eth pressupòst dera corporacion entà 2026.
Unitat d’Aran en Naut Aran a expressat eth sòn refús ad aguesta practica antidemocratica e impròpria d’un representant public.
Era negativa der alcale de Naut Aran a balhar era paraula ath pòrtavotz d’UA s’a produsit en moment que Tarrau reclamaue qu’eth pressupòst deth municipi auie d’incorporar ua partida entà accions en marc dera promocion dera igualtat entre òmes e hemnes, sustot en tier en compde qu’eth govèrn municipau de Convergéncia compde damb ua regidoria especifica d’igualtat.
N’aguest sens, UA s’a abstengut ena votacion deth pressupòst tà 2026 e a tornat a demanar era dimission der alcalde de Naut Aran (Convergéncia Aranesa) pera sua condemna per abús sexuau hèta publica es darrères setmanes. Atau madeish, Tarrau a reclamat, qu’eth partit de Convergéncia Aranesa se manifèste ar entorn d’aguesta qüestion pr’amor deth qu’a dit “sauve un silenci còmplice ath respècte d’aguesta qüestion”.
Val d’Aran, 20 de noveme de 2025