Eth passat mes d’octobre se signèc ena sedença deth Conselh Generau d’Aran eth nau contracte mixte deth servici integrau de remassada e evacuacion de residus dera Val d’Aran.
Entà Unitat d’Aran, aguesta ei ua hita fòrça importanta, que a de perméter desvolopar aguest nau modèl de remassada e actualizar era gestion de residus en tot sajar de mantier aqueri paramètres de reciclatge qu’era normativa europèa requerís.
En qué consistís aguest nau sistèma?
- Recuelhuda diferenciada de residus: eth nau sistèma combinarà era remassada pòrta a pòrta en negòcis e cases en tot facilitar atau eth sòn tractament e reciclatge.
- Punts de reciclatge accessibles: S’abilitaràn naui punts de reciclatge en territòri. Er emplec d’aguesti punts facilitarà e assegurarà eth foncionament deth nau sistèma en tot soenhar er entorn e eth miei ambient.
- Educacion e sensibilizacion: s’a encetat ua campanha informativa sus era remassada pòrta a pòrta entà grani productors. Atau, se balhe responsa as dubtes qu’es diuèrsi sectors economics poguen auer.
- Incentius ath reciclatge: i aurà incentius tad aqueri que complisquen damb es naues normatives de reciclatge en tot promòir ua participacion activa en aguest nau procès.
Damb aguest nau sistèma auançam entà garantir una gestion de residus mès modèrna e eficienta, en tot complir damb era naua normativa europèa, qu’a d’èster de plen compliment en an 2050.