Unitat d’Aran ena Deputacion de Lleida, a traués deth Institut d’Estudis Ilerdencs (IEI), a impulsat ua linha d’ajudes que refortilhe eth sòn compromís damb eth desvolopament culturau en Aran mejançant ajudes dirèctes dirigides as Entitats Municipaus Descentralizades (EMDs).
Gràcies ad aguest supòrt, es EMD poderàn melhorar es sòns equipaments culturaus e audiovisuaus, en tot promòir era sua aufèrta culturau e sociau.
Inversion totau en Aran
Eth programa destine un totau de 129.803 € en ajudes entàs EMD deth territòri, en tot garantir que cadua d’eres arrecebe un finançament proporcionau as sòns besonhs.
- EMD Arròs e Vila – 11.570 €
- EMD Arties i Garòs – 13.650 €
- EMD Aubèrt e Betlan – 13.650 €
- EMD Bagergue – 12.306 €
- EMD Betren – 1.635 €
- EMD Casau – 10.386 €
- EMD Escunhau – 5.487 €
- EMD Gausac – 9.312 €
- EMD Gessa – 11.399 €
- EMD Tredós – 13.650 €
- EMD Unha – 13.650 €
- EMD Vilac – 13.108 €
Un impuls ara cultura locau
Aguest supòrt economic permeterà as EMD melhorar es sòns equipaments culturaus, en tot facilitar er accès a naues tecnologies, materiau audiovisuau e d’auti recorsi essenciaus entara promocion dera cultura en Aran.
Er objectiu ei refortilhar era aufèrta culturau locau, en tot promòir activitats e eveniments qu’activen era vida sociau enes petiti pòbles e crear es espacis avienti entara difusion der auviatge, er art e era identitat deth territòri.
Laguens des actuacions previstes se i trapen: era melhora d’equipaments e materiau coma eth mobiliari, airines teconologiques (projectors, pantalhes, equipes de son etc), e d’auti elements recreatius qu’ajuden a incentivar era sociabilitat entre es vesins e vesies.
Damb aguest tipe d’iniciatives, Unitat d’Aran ena Deputacion de Lleida apòste per ua Val d’Aran mès dinamica, damb mès oportunitats e damb ua cultura viua e accessibla entà toti.