Eth secretari de Comunicacion d’Unitat d’Aran e candidat numero 2 per Quate Lòcs, Amador Marqués, a avalorat aué eth debat d’ager en TV3 deth Conselh Generau tàs eleccions deth 22 de mai. Marqués a assegurat que “Paco Boya s’a impausat de forma clara en debat coma eth candidat mielhor preparat, damb major coneishement des ahèrs tractadi e un projècte de país realista, ambiciós e de futur”.
Segontes eth secretari de Comunicacion, “eth sindic a demostrat capacitat d’illusion, de guanhar futur damb idèes clares e concrètes en ahèrs tan essenciaus coma era economia, eth trabalh, eth torisme, era sanitat, eca.”. “Auem vist a un solet sindic, er unic capable de projectar futur, e aguest ei Paco Boya”, en paraules de Marqués.