Eth Consejo de las Lenguas de España ei un organ de recenta creacion adscrit ath ministèri d’Administracions Publiques entara analisi e coordinacion tecnica enter es Ministèris en relacion ar usatge des lengües oficiaus der Estat espanhòu. Eth sòn objectiu ei garantir eth compliment dera normativa des lengües ena Administracion Generau der Estat en tot reforçar eth compromés deth govèrn espanhòu d’apregonir en respècte e empara des drets lingüistics des ciutadans.
Maria Vergés s’a mostrat plan satisfèta de poder assistir entar acte organizat peth PSC pr’amor que “se ten en compde era oficialitat der aranés-occitan en ensem de Catalonha e, per tant, coma lengua oficiau qu’a de respectar e prebotjar tanben er Estat en es sues relacions damb es ciutadans que la empleguen”.
Eth collòqui ei aguest diuendres entàs 17.00 ores ena sedença centrau deth PSC en Barcelona (C/Nicaragua, 75).