Eth nòste projècte ei Aran. Aran ès tu

Francés Boya pren possession coma Senador

Francés Boya prenie ager possession deth sòn cargue coma Senador dera província de Lleida peth grop d’Entesa Catalana de Progrés.

Boya, que prometec eth sòn cargue en aranés, a declarat que trabalharà entà non defraudar e “guanhar tanben era confiança de toti aqueri que non mos an votat”.

Destacaue tanben que “per prumèr viatge Aran compde damb un representant enes mès nautes instàncies der Estat, e aguest ei un hèt que m’amplís d’orgulh e me posse a trabalhar damb rigor e onestedat”.

Francés Boya siguec eth senador mès votat en Aran, damb 1.568 vòts enes passades eleccions deth 20 de noveme.