Eth Sindic e es grops deth Conselh s’amassen damb eth conselhèr de Governacion entara reforma dera Lei d’Aran

D’aguesta forma, s’a constituït a nivèu politic era ponéncia entre era Generalitat e eth Conselh Generau entà actualizar e apregondir er autogovèrn aranés per miei d’ua naua lei, dera quau aué s’a precisat eth calendari de trabalh entara sua aprovacion. Segontes a informat eth Sindic, era pròplèu amassada aurà lòc en mes de seteme. Francés Boya s’a referit ara “bona sintonia” entre es grops politics deth Conselh e ara “bona predisposicion” deth departament de Governacion entà elaborar eth tèxte. De hèt, “ei indispensable redactar ua lei de consens, que mos permete melhorar substanciaument eth nòste regim especiau a curt tèrme”, segontes a soslinhat.