Era secretària d’Organizacion, Maria Vergés, a explicat que “dauant era situacion sociau e economica que viuem, es desirs de solidaritat e justícia sociau an d’èster un des motors que botgen ara nòsta societat entà sajar qu’arrés demore endarrèr”. “Per aguest motiu, volem amiar a tèrme aguesta campanha, pr’amor qu’èm conscients qu’ei en Nadau quan es mainatges e mainades que non an jamès un present en aguestes dates son mès conscients dera desigualtat sociau”, segontes Vergés.
Unitat d’Aran arregraís d’auança era collaboracion e er esfòrç des ciutadans damb aguesta campanha. Atau madeish, profite entà hèr extensiva era felicitacion de Nadau en tot convidar as interessadi ar acte que celèbre cada an e qu’enguan aurà lòc eth pròplèu deluns dia 19 de deseme tàs 19.30 ores, ena sedença deth partit en Vielha.