Paco Boya, qu’ei er unic parlamentari aranés, poirà atau deféner de prumèra man es interèssi deth país coma maximon representant en Parlament. Ei era melhor garantia tà esvitar qu’es interèssi d’Aran demoren en mans der alcade de Sort (CiU), que serie eth deputat mès propèr ara Val d’Aran.
Eth candidat d’Unitat d’Aran a lamentat qu’en moments istorics plan importants entath país, CDA age renonciat a auer un deputat aranés en Parlament e que tota era sua estratègia politica age demorat redusida ara persona deth candidat Carlos Barrera, era unica experiéncia publica deth quau a estat era Sindicatura e era presidéncia dera Societat de Caça e Pesca.