Arturo Calbetó a argumentat que “Unitat d’Aran non compartís era ideologia deth negòci rapid en tot massificar eth territòri, pr’amor que non sonque atempte contra eth miei naturau, senon que hè vulnerabla era economia, especiaument acusada en situacions advèrses coma era actuau”. “Mos cau un creishement mès basat ena generacion de guanhs de productivitat, en tot refortir es dotacions de capitau intangible, de coneishement”, a prepausat.
Entad aquerò a metut coma exemple eth prètzhèt deth govèrn deth Conselh Generau “entà melhorar era maxima institucion per miei dera participacion e era transparéncia, entà desestacionalizar eth torisme per miei d’un plan ambiciós e entà convertir Aran en ua sots-sedença deth Parc Scientific e Tecnologic Agroalimentari de Gardeny en investigacions de montanha aplicades”. “Ei un prumèr pas entà modernizar era economia aranesa”, a soslinhat.