Estream “Es nòstes recomanacions”, ua naua seccion damb era qué volem dar a conéisher e méter en valor diuerses òbres escrites, cinematografiques e audiovisuaus. En definitiva, era cultura en totes es formes.
Cada mes, exploraram libes, pellicules e d’auti referents culturaus qu’an mercat ua epòca, influit en pensament collectiu e que contunhen estant relevants aué en dia. Òbres que conviden ara reflexion sus era actualitat politica e sociau, qu’inspiren e hènt a reflexionar en tot cercar que passetz ua agradiua e bona estona.
Atau donc, es visitaires de “Es nòstes recomanacions” poiratz trapar tota sòrta de publicacions de disparières tematiques, politica, artistica, literaria, umoristica, cientifica, eca.
Premanir-vos entà descorbir istòries qu’emocionen, informen e dèishen peada!
El Activismo Tranquilo
El activismo tranquilo, escrit peth politològ e analista politic Nacho Corredor, mos convide a soscar sus era convivéncia e era politica actuau. Un libre essenciau entà compréner er impacte e era grana importància deth dialòg ena societat e ena politica, un manifèst en favor dera convivéncia.
Era democràcia espanhòla a pòc mès de quaranta ans (delàger, coma aqueth que ditz). E era sua consolidacion se deu ara volontat qu’an mostrat politics de diuèrses ideologies, en escadences enfrontades, de bastir un projècte compartit.
