UA organize un talhèr d’aranés entà apropar era lengua d’Aran as ciutadans
Unitat d’Aran a organizat un talhèr gratuït d’aranés entàs persones interessades en apréner era lengua pròpria d’Aran. Aguest talhèr aurà lòc deth 8 ath 31 de mai, es dimars e dijaus de 9h30 a 10h30, ena sedença deth partit. Eth cors ei adreçat a totes es persones majors de 18 ans e, en especiau, entàs pairs e mairs damb inquietuds entà balhar un melhor supòrt as sòns hilhs.