Damb motiu deth 700 aniversari der autrejament dera Querimònia, Unitat d’Aran a programat un conjunt d’actes restacadi damb era efemerida qu’an agut eth sòn inici damb er impuls en Senat d’ua mocion institucionau en reconeishement dera singularitat d’Aran, en tot amparar e respectar era Val com ua entitat territoriau singular, qu’ei objècte de proteccion per miei d’un regim juridic especiau.
En aguest sens, e entà compréner mielhor es arraïtz istoriques der autogovèrn aranés, era directora der Archiu Generau d’Aran, Ma Pau Gómez, impartirà deman, 28 de mai, era conferéncia Querimònia: present e futur, en transcurs d’un acte a on eth senador Paco Boya explicarà era resolucion aprovada dimèrcles passat ena cramba espanhòla.
Eth collòqui aurà lòc deman, 28 de mai, a compdar des 19.30 h, ena sedença d’Unitat d’Aran, en Vielha (dauant deth Palai de Gèu).