Era Secretaria d’Innovacion d’Unitat d’Aran a organizat un cors d’informatica dubèrt entà toti es interessadi e interessades que volguen aquerir coneishements basics en usatge des ordenadors e era aplicacion de tèxtes e usatge d’internèt. Eth cors, qu’a lòc enquiath 15 de mai, ei gratuït e s’impartís en ua aula mobila equipada damb ordenadors ena sedença deth partit (dauant deth Palai de Gèu de Vielha).
Eth cors s’adapte a dus oraris possibles: de maitin, de 10.00 h a 12.00 h, e tarde, de 19.00 h a 21.00 h. Es inscripcions se pòden hèr en tot trucar ath numero de telefon 973 64 23 93 o ath 629 95 47 99.