En aguesti moments, s’amien a tèrme es trabalhs de mielhora e condicionament deth cementèri e eth camin vesiau de Camon, dues actuacions plan demorades peth pòble. “Auem complit damb es compromisi artenhudi, a despièch dera dificila situacion en qué mos trobèrem er ajuntament, e ara a arribat eth moment de méter es nòstes energies en superar era crisi e hèr mès per Bossòst, perque èm era unica garantia de futur e compromís reau damb es vesis e es vesies”, a explicat Paco Rodríguez Miranda.
D’un aute costat, eth sindic d’Aran e candidat ara reeleccion, Paco Boya; er alcalde Paco Rodríguez Miranda; e eth candidat numero 2 per Quate Lòcs e er Ajuntament de Bossòst, Amador Marqués; visitèren dimèrcles eth mercat setmanau entà dar a conéisher es propòstes d’UA entà Bossòst e Aran.
