Unitat d’Aran hè dejà 30 ans e, entà hesteja’c, eth partit gesserà tath carrèr ath costat des militants, es simpatizants e toti aqueri que s’i volguen apropar e compartir uns moments d’amenizacion damb musica e vermut. Er acte aurà lòc eth pròplèu dia 29 d’agost, a compdar des 12.00 ores, en Passeg dera Libertat de Vielha. Aquiu se plaçarà un estand damb diuèrs tipe de materiau, coma glòbus entara mainadèra, e s’aufrirà un petit aperitiu entà toti es assistents.
Ath delà, en acabar er acte, i aurà un dinar e un aumenatge as militants membres des listes municipaus de 1979 entàs prumères eleccions democratiques. Tanben se harà entrega des carnets d’afiliat d’Unitat d’Aran. Entath dinar ei de besonh inscriuer-se abantes deth dia 26 d’agost en telefon 973 64 23 93 o ena sedença d’Unitat d’Aran plaçada dauant deth Palai de Gèu.