Eth prumèr secretari deth PSC, Pere Navarro, visite deman era Val d’Aran, a on signarà un nau protocòl de relacion damb Unitat d’Aran. Navarro serà recebut peth secretari generau d’UA, Francés Boya, damb qui renauirà era aliança politica qu’andues formacions mantien d’ençà der an 1991. Navarro e Boya seràn acompanhadi peth prumèr secretari dera Federacion deth PSC enes Comarques de Lleida, Pirenèu e Aran, Àngel Ros. Er acte serà deman, 16 de junh, tàs 12.30h, ena sedença d’UA, en Vielha, e dempús i aurà ua atencion as mieis de comunicacion.
Pendent era jornada, Pere Navarro, amassa damb Ros e Boya, visitarà es ajuntaments de Bossòst, Les e Canejan, a on s’amassarà damb alcaldes, còssos e conselhèrs generaus deth Conselh Generau d’Aran. Ena tarde, mantierà ua trobada damb empresaris deth sector deth torisme aranés e clausurarà eth congrès dera Joventut Socialista de Catalunya deth Pirenèu e Aran, qu’aurà lòc ena sedença d’UA. Acabarà era jornada damb ua trobada damb militants e simpatizants deth partit aranés.