Boya vò contribusir a ua alternativa reformadora tant en Aran coma en Catalonha
Unitat d’Aran manten era sua representacion ena naua Comission Executiva Nacionau deth PSC, entestada peth nau prumèr secretari, Miquel Iceta, e escuelhuda eth passat dissabte en Congrès Extraordinari. Eth Congrès 11au des socialistes catalans establic qu’UA a dret a un membre nat en sòn organ de direccion. Aguest representant ei aué eth secretari generau e senador aranés, Paco Boya, qu’a felicitat, en nòm d’UA, ara naua executiva e li a manifestat “eth besonh de contribusir, d’ençà dera singularitat d’Aran e era autonomia d’UA, ara reforma sociau e institucionau qu’an de besonh tant es ciutadans de Catalonha coma d’Aran per miei d’ua alternativa progressista damb vocacion majoritària e de govèrn ena Generalitat, en Conselh Generau e enes nòsti ajuntaments”.