{"id":6371,"date":"2011-08-05T15:32:52","date_gmt":"2011-08-05T15:32:52","guid":{"rendered":"http:\/\/www.unitatdaran.org\/web\/?p=6371"},"modified":"2011-08-05T15:32:52","modified_gmt":"2011-08-05T15:32:52","slug":"ua-contribusis-ara-unitat-politica-contra-eth-recors-ara-lei-der-aranes","status":"publish","type":"post","link":"https:\/\/unitatdaran.org\/ca\/noticies\/ua-contribusis-ara-unitat-politica-contra-eth-recors-ara-lei-der-aranes\/","title":{"rendered":"UA contribus\u00eds ara unitat politica contra eth recors ara lei der aran\u00e9s"},"content":{"rendered":"

Eth grop d\u2019Unitat d\u2019Aran en Conselh Generau a contribusit ara unitat politica damb era mocion aprovada au\u00e9 per totes es f\u00f2rces contra era peticion de recors deth Gov\u00e8rn centrau ar \u201cusatge preferent\u201d der aran\u00e9s, establit ena Lei der occitan, aran\u00e9s en Aran. Eth p\u00f2rtavotz Franc\u00e9s Boya<\/b> a explicat que \u201cer aran\u00e9s ei un esturment de coesion deth p\u00f2ble e expr\u00e8sse era n\u00f2sta volentat d\u2019\u00e8ster\u201d<\/b>.<\/p>\n

Era mocion incorp\u00f2re era demana d\u2019UA ent\u00e0 qu\u2019er Estat \u201cajude a protegir er aran\u00e9s coma lengua cooficiau dera Val d\u2019Aran e de Catalonha e coma part fonamentau deth patrim\u00f2ni immateriau de tota Espanha\u201d. Totun, Boya a avertit qu\u2019eth t\u00e8xte \u201cpat\u00eds ua mancan\u00e7a\u201d<\/b>, ja que \u201ceth gov\u00e8rn de CDA i a volut amagar era responsabilitat deth PP sus era sent\u00e9ncia deth Tribunau Constitucionau contra er Estatut, qu\u2019a provocat era peticion de recors deth Gov\u00e8rn centrau, d\u2019ac\u00f2rd damb un dictamen deth Conselh d\u2019Estat\u201d<\/b>. \u201cSense era sent\u00e9ncia deth TC ahiscada peth PP, non ser\u00edem a on \u00e8m\u201d, segontes eth conselh\u00e8r.<\/p>\n

Franc\u00e9s Boya consid\u00e8re que \u201cde h\u00e8t, Converg\u00e9ncia e eth PP compartissen un hons ideologic e politic, qu\u2019explique era volentat de CDA d\u2019amagar era responsabilitat deth PP en un ah\u00e8r tan important coma era preservacion dera lengua pr\u00f2pria d\u2019Aran\u201d. Eth p\u00f2rtavotz a demanat ath sindic e ath conselh\u00e8r de Cultura dera Generalitat qu\u2019era comission de seguiment sus eth recors d\u2019inconstitucionalitat sigue \u201cparticipativa e non privativa des gov\u00e8rns, perque era Lei der aran\u00e9s a estat aprovada peth Parlament damb ua ampla majoria politica\u201d<\/b>.<\/p>\n","protected":false},"excerpt":{"rendered":"

<\/a><\/p>\n

Boya lamente que \u201cCDA a amagat era responsabilitat deth PP sus era sent\u00e9ncia qu\u2019a provocat eth recors deth Gov\u00e8rn centrau\u201d<\/b><\/p>\n

<\/p>\n